Leviticus 17:1 ουοϩ α `πϭοις ςαϫι νεμ μωυςης εϥϫω `μμος
Leviticus 17:2 ϫε ςαϫι νεμ ααρων νεμ νεϥϣηρι νεμ νενϣηρι `μπιςραηλ ουοϩ εκεϫος νωου ϫε φαι πε πιςαϫι ετα `πϭοις ϩονϩεν `μμοϥ εϥϫω `μμος
Leviticus 17:3 ϫε `φρωμι `φρωμι `ντε νενϣηρι `μπιςραηλ φη ετναϧολϧελ `νουμαςι ιε ουεςωου ιε ουβαμπι ϧεν ϯπαρεμβολη νεμ φη ετναϣωτ ςαβολ `νϯπαρεμβολη
Leviticus 17:4 ουοϩ `ντεϥϣτεμενϥ εϩρεν `φρο `νϯςκυνη `ντε ϯμετμεθρε ϩωςδε εθαμιοϥ `νουϭλιλ νϫοϥϫεϥ ιε ουουϫαι `μ`πϭοις εϥϣηπ ευςθοι νςθυνουϥι ουοϩ φη ετναϣωτ ςαβολ `νϯπαρεμβολη ουοϩ `ντεϥϣτεμενϥ ϩιρεν `φρο `νϯςκυνη `ντε ϯμετμεθρε ϩωςδε εινι `νουδωρον `μ`πϭοις `μπεμθο `νϯςκυνη `ντε `πϭοις ευεωπ `νου`ςνοϥ `μπιρωμι ετεμμαυ ου`ςνοϥ αϥφονϥ εβολ εςεϥωϯ εβολ `νϫε ϯψυχη ετεμμαυ εβολ ϧεν πεςλαος
Leviticus 17:5 ϩοπως ντουινι `νϫε νενϣηρι `μπιςραηλ ννουϣουϣωουϣι νη τηρου ετουναϧελϧωλου ϧεν νιμεϣϣοϯ ευεενου `μ`πϭοις ϩιρεν `φρο `νϯςκυνη `ντε ϯμετμεθρε ϩα πιουηβ ουοϩ ευεϣωτ `νουϣουϣωουϣι `νουϫαι `μ`πϭοις
Leviticus 17:6 ουοϩ ερε πιουηβ ϫωϣ `μπι`ςνοϥ εϫεν πιμανερϣωουϣι `μπεμθο `μ`πϭοις ϧατεν `φρο `νϯςκυνη `ντε ϯμετμεθρε ουοϩ εϥεινι `μπιωτ ευςθοι νςθυνουϥι `μ`πϭοις
Leviticus 17:7 ουοϩ ννουουαϩτοτου ϫε εϣωτ ννουϣουϣωουϣι `ννιμετεφληου νη νθωου εταυερπορνευιν ςαμενϩηου ουνομιμον νενεϩ εϥεϣωπι νωτεν ενετενϫωου
Leviticus 17:8 ουοϩ εκεϫος νωου ϫε `φρωμι `φρωμι εβολ ϧεν νενϣηρι `μπιςραηλ ιε εβολ ϧεν νιϣεμμωου ευουεϩ ερωτεν φη ετναιρι `νουϭλιλ νϫοϥϫεϥ ιε ουϣουϣωουϣι
Leviticus 17:9 ουοϩ `ντεϥϣτεμενϥ ϩιρεν `φρο `νϯςκυνη `ντε ϯμετμεθρε εαιϥ `μ`πϭοις εςεϥωϯ εβολ `νϫε ϯψυχη ετεμμαυ εβολ ϧεν πεςλαος
Leviticus 17:10 ουοϩ `φρωμι `φρωμι `ντε νενϣηρι `μπιςραηλ ιε εβολ ϧεν νιϣεμμωου ετουεϩ ϧεν θηνου φη ετναουεμ `ςνοϥ νιβεν ϧεν θηνου ουοϩ ειεςεμνε παϩο εϫεν ϯψυχη ετεμμαυ ετναουωμ `μπι`ςνοϥ ουοϩ ειετακος εβολ ϧεν πεςλαος
Leviticus 17:11 ϯψυχη γαρ `ντε ςαρξ νιβεν πε πες`ςνοϥ ουοϩ ανοκ αιτηιϥ νωτεν εϫεν πιμανερϣωουϣι ετωβϩ εθβε `πτουβο `ντε νετενψυχη πες`ςνοϥ γαρ ντϣεβιω `νουψυχη εϥετωβϩ επϫιντουβο
Leviticus 17:12 εθβεφαι αιϫος `ννενϣηρι `μπιςραηλ ϫε ψυχη νιβεν εβολ ϧεν θηνου `ννεϥουεμ `ςνοϥ ουοϩ πιϣεμμο ετουεϩ ερωτεν `ννεϥουεμ `ςνοϥ
Leviticus 17:13 ουοϩ `φρωμι `φρωμι `ντε νενϣηρι `μπιςραηλ ιε εβολ ϧεν νιϣεμμωου ετουεϩ ϧεν θηνου φη ετναταϩο `νουϫορϫς ιτε ουθηριον ιτε ουϩαλητ φη εθουουωμ `μμοϥ εϥεφων `μπεϥ`ςνοϥ εβολ εϥεϩοβςϥ ϧεν πικαϩι
Leviticus 17:14 ϯψυχη γαρ `ντε ςαρξ νιβεν πε πες`ςνοϥ ουοϩ αϫος `ννενϣηρι `μπιςραηλ ϫε `ννετενουεμ `ςνοϥ `ντε ςαρξ νιβεν ϫε τψυχη `ντε ςαρξ νιβεν πε πες`ςνοϥ φη νιβεν ετναουωμ `μμοϥ εϥεϥωϯ εβολ
Leviticus 17:15 ουοϩ ψυχη νιβεν ετναουωμ `μπετμωουτ ιε φη ετα πθηριον ουομϥ ιτε ϧεν νιρεμνϯμι ιτε ϧεν νιϣεμμωου εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι ουοϩ εϥεϣωπι ε `ϥτουβηουτ
Leviticus 17:16 εϣωπ δε αϥϣτεμρωϧι `ννεϥϩβως ουοϩ `ντεϥϣτεμϫωκεμ `μπεϥςωμα ϧεν ουμωου εϥεϭι `μπεϥνοβι